11-сынып оқушыларына арналған психологиялық қолдау тренингі. Мақсаты – бітіруші түлектердің психологиялық көңіл-күйін көтеру, эмоционалдық қолдау көрсету, сенімділігін арттыру және емтихан алдындағы қобалжуды төмендету

«Менің ішкі әлемім» тақырыбында психологиялық тренинг өткізілді. Тренинг барысында оқушылар өз сезімдерін танып, ішкі ойларымен бөлісіп, өзін-өзі тануға бағытталған түрлі жаттығулар орындады. Негізгі мақсаты – оқушылардың эмоционалдық жағдайын жақсарту, өзін-өзі қабылдауын дамыту және ішкі ресурстарын ашуға қолдау көрсету болды.

Қатысушылардың коммуникативтік дағдыларын дамыту мақсатында қарым-қатынасқа арналған тренинг ұйымдастырылды. Тренинг барысында түрлі ойындар мен практикалық тапсырмалар орындалып, оқушылардың бір-бірін түсінуі мен қолдауы нығайтылды.

Психологиялық қолдау көрсету мақсатында оқушылармен жоспарға сәйкес арнайы тренингтер ұйымдастырылды. Тренинг барысында тұлғалық даму, өзара қарым-қатынас және эмоционалдық тұрақтылықты қалыптастыруға бағытталған жаттығулар өткізілді.

11-сынып оқушыларымен «Армандар картасы: Менің болашағым» атты мотивациялық тренинг ұйымдастырылды. Шара барысында оқушылар болашақтағы өз өмірін елестетіп, мақсаттарын айқындап, армандарын визуалды түрде бейнеледі. Әр қатысушы өз жүрек қалауын тыңдап, алдағы өмір жолына жоспар құруға қадам жасады. Армандар картасын жасау – жай ғана шығармашылық жұмыс емес, бұл – өз болашағына жауапкершілікпен қараудың бастамасы.

Тренингтің мақсаты – оқушылардың жаңа ортаға бейімделуіне ықпал ету, бір-бірімен жақын танысуына жағдай жасау және қарым-қатынас дағдыларын дамыту. Тренинг барысында түрлі сергіту жаттығулары, топтық жұмыстар және танысу ойындары ұйымдастырылды. Оқушылар өз ойларын еркін жеткізіп, бір-біріне қолдау көрсетуге үйренді. Әр тапсырма оқушылардың сенімділігін арттырып, ұжымдық бірлікті қалыптастыруға бағытталды.