Ахметов Қуанышбек Кәрімұлы

Қуанышбек Кәрімұлы 1956 жылы Ақсуат ауданында дүниеге келген. Педагог – музыкант.  "Жігер" фестивалінің дипломанты. 1975 жылы Семейдегі Мұқан Төлебаев атындағы музыка училищесінің үрлемелі аспаптар  класына оқуға түсіп, жақсыға аяқтады.

 Әміре Қашаубаев атындағы филармонияда әнші, инистурменталист, музыкант болып қызмет атқарды. 

1984  жылы Шымкенттің Әль-Фараби атындағы мәдени-ағарту иниститутын бітірді. 1996 жылдан бастап Семейдегі №22 мектепте музыка пәнінің ұстазы болып қызмет атқарды. 

Мұхтар Әуезовтің 100 жылдығына орай мектеп оқушыларына арнап "Мұхтар аға-заңғар дана" әнін жазды. Сөзі Жұмағазы Алмабаевтікі. Ғұлама ғалым Қаныш Имантайұлы Сәтбаевқа  арнаған "Ғаламның ғалымы" атты әні бар. 2019  жылдан бастап құрметті еңбек демалысында. Қазіргі кезде Қазақ Инновациялық Университетінде қызметін жалғастыруда.