Бұл іс-шараның мақсаты – оқушыларға құқық саласының маңыздылығын түсіндіру, заң мамандығына деген қызығушылықтарын арттыру, қылмыстық процестің қалай өтетінін тәжірибелік түрде көрсету болды. Сахналық қойылым барысында оқушылар: * қылмыстық істің тергелу кезеңдерін; * прокурор, адвокат, тергеуші, судья сынды құқық қорғау органдары қызметкерлерінің рөлін; * сот процесінің негізгі тәртіптері мен талаптарын; * заң алдындағы жауапкершіліктің қаншалықты маңызды екенін жан-жақты көріп, түсінді.

Олимпиаданың басты мақсаты – оқушылардың кәсіби бағдарын айқындау, логистика және көлік саласына деген қызығушылығын арттыру, сондай-ақ болашақ мамандығын таңдауға бағыт-бағдар беру болды. Олимпиада барысында қатысушылар көлік жүйелерінің дамуы, логистикалық процестерді ұйымдастыру және заманауи инновациялық шешімдер туралы білімдерін сынады. Мектебіміздің оқушылары белсенділік танытып, өз білімдері мен шығармашылық қабілеттерін жоғары деңгейде көрсетті.

 Тренинг мақсаты:оқушыларға әртүрлі мамандықтар туралы түсінік беру, еңбекке деген қызығушылығын арттыру. Сонымен қатар болашақта өз қабілеті мен бейіміне сай мамандық таңдауға бағыт беру.

 Кездесу барысында оқушыларға университет туралы толық мәлімет беріліп, медицина саласындағы мамандықтармен таныстырылды. Сондай-ақ, университет жанында “Medical Foundation” атты дайындық бөлімі жұмыс бастағандығы айтылды. Бұл бөлімге 10-11-сынып оқушылары ақылы түрде жазылып, медициналық бағыттағы пәндер бойынша тереңдетілген дайындықтан өте алатыны туралы ақпарат берілді. Кездесудің мақсаты – оқушылардың болашақ мамандығын саналы түрде таңдауына бағыт-бағдар беру болды.