7 мамыр – Отан қорғаушылар күніне орай мектебіміздің 7 “А” және 7 “Ә” сынып оқушылары мен сынып жетекшілері Қ., О. Жилкибаева , А. Жумаханова Ш.Уәлиханов атындағы «Жас Ұлан» арнайы ерлер мектеп-лицей-интернаты оқу ордасына арнайы кездесуге барып қайтты. Кездесу барысында мектеп-лицей ұстаздары мен оқушылары саптық дайындық жұмыстарын көрсетіп, білім ордасының тыныс-тіршілігімен таныстырды. Сонымен қатар, оқушыларымызға арнайы экскурсия ұйымдастырылып, музейлерін тамашалау мүмкіндігі берілді.

6-сыныптарда «Отан үшін от кешкендер»тақырыбында тәрбие сағаты өтті. Бұл тәрбие сағаты оқушыларды тарихымыздағы өшпес ерліктермен таныстыруға және бүгінгі бейбіт күннің қалай келгенін ұғындыруға бағытталды. Шара барысында батыр бабаларымыздан бастап, бүгінгі күннің қаһармандарына дейінгі ерлік жолдары сараланды.

2-сынып оқушылары үшін өткізілген «Менің елім — менің мақтанышым» атты тәрбие сағаты жас ұрпақтың бойында патриоттық сезімді оятып, өз еліне, жеріне деген мақтаныш сезімін қалыптастыру негізі мақсаты болды. Шара соңында сынып жетекшісі оқушыларды мерекемен құттықтап, оларға бейбіт аспан, жарқын болашақ тіледі. Бұл күн балалардың есінде тек мереке ретінде емес, елге деген сүйіспеншіліктің алғашқы үлкен сабағы ретінде қалды.

7 мамыр Отан қорғаушылар күніне орай 10-сыныптарда “Мен болашақ сарбазбын” тақырыбында тәрбие сағаты өткізілді. Тәрбие сағатының негізгі мақсаты — өскелең ұрпақты отансүйгіштікке тәрбиелеу, ерлік пен батылдықты дәріптеу және оқушылардың әскери қызметке деген қызығушылығын арттыру болды.

Мектебімізде 4-сыныптар арасында «Қазақстан Қарулы Күштері – ел қорғаны» тақырыбында тәрбиелік мәні зор тәрбие сағаты өткізілді. Іс-шараның негізгі мақсаты – оқушыларға Отанды қорғаудың маңыздылығын түсіндіру, патриоттық сезімдерін ояту және Қазақстан Қарулы Күштері туралы білімдерін кеңейту. Тәрбие сағаты жас ұрпақтың бойында патриоттық рух қалыптастырып, Отанға деген сүйіспеншілігін арттыруға ықпал етті.

8 "А" сынып 06.05.2026жыл 7 мамыр — Қазақстан Республикасындағы маңызды мемлекеттік мереке, Отан қорғаушылар күніне орай "Ерлік-елге мұра" тақырыбында тәрбие сағаты өтті. Сынып жетекшісі: ГабдуллинаА.А. Машықкер: Сайлауова А Ә.